शनिदेव ग्रह पूजा

शनिदोष निवरण पूजाको प्रक्रिया

शनिदोष शान्तिका लागि शनिबार विशेष मुहूर्तमा पूजाको आयोजना गरिन्छ। सर्वप्रथम स्नान गरी नील वा कालो वस्त्र धारण गरिन्छ। पूजा स्थानमा शनिदेवको प्रतिमा वा चित्र स्थापना गरी गणेश पूजा र नवग्रह पूजा गरिन्छ। त्यसपछि शनिदेवको आवाहन गरी शनि यन्त्र स्थापित गरिन्छ। तिल, तिलको तेल, कालो वस्त्र, कालो तील, फलफूल, फूल, धूप, दीप र जल चढाइन्छ। शनि बीज मन्त्र वा शनि कवचको पाठ गरिन्छ।

शनिदेवको मन्त्र २३,००० पटक जप गर्नुपर्छ, वा कम्तीमा १०८ माला। शनि स्तोत्र (दशरथ कृत), शनि चालिसा र शनि सहस्रनाम पनि लाभदायी हुन्छन्। पूजा पछि तिल, नील वस्त्र, लोहा, छाता, चप्पल आदि ब्राह्मणलाई दान गरिन्छ। कालो गाई वा कुकुरलाई भोजन गराउने परम्परा पनि शुभ मानिन्छ।

शनिदोष निवारण मन्त्र:

“ॐ प्रां प्रीं प्रौं सः शनैश्चराय नमः”   (यो मन्त्र शनिबार १०८ वा १००८ पटक जप गर्दा विशेष लाभ मिल्छ।)

शनिदोष पूजामा प्रयोग हुने विशेष सामग्री:

• शनिदेवको चित्र वा यन्त्र (कालो धातुमा)
• कालो तील, तिलको तेल
• कालो वस्त्र, लोहाको सामग्री
• नीलकमल वा नील फूल
• धूप, दीप, कर्पूर
• कालो गाई वा कुकुरलाई चढाउने खाना
• शनिदेव स्तोत्र र कवच पाठ पुस्तिका
• रुद्राक्ष (७ मुखी) माला
• लोहो वा नीलपञ्च धातको अर्घ्य पात्र

सही विधिपूर्वक शनिदोष शान्ति गर्दा जीवनमा कष्ट कम भई सफलता, स्थिरता र आत्मविश्वासमा वृद्ध‍ि हुन्छ।